ശ്യാമയും സുധിയും 12 [ഏകൻ] [Climax]

വന്നെത്തി.

പറഞ്ഞത് പോലെ അവിടെയുള്ള വലിയൊരു ഓഡിറ്റോറിയത്തിൽ വെച്ച് അവരുടെ കല്ല്യാണം നടന്നു.

എന്നാൽ കല്യാണത്തിന് തലേ ദിവസം രാത്രി സൂചിത്രയുടെ റൂമിൽ. ഒരു വലിയ കവർ എടുത്തു സുചിത്ര ശ്യാമയുടെ കൈയിൽ കൊടുത്തു. എന്നിട്ട് പറഞ്ഞു.

"ഇത് എന്റെ ഈ ഏട്ടത്തി പെണ്ണിന് ഉള്ളതാ. അന്ന് ഞങ്ങൾ പോയി വാങ്ങിയ സ്വർണം. മാലയും വളയും ഒക്കെ ഉണ്ട്. ഇതൊക്കെ ഇട്ട് സുന്ദരി ആയിട്ട് വേണം ഏട്ടത്തി നാളെ കല്ല്യാണ മണ്ഡപത്തിലേക്ക് വരാൻ. കേട്ടല്ലോ...? ഇതൊക്കെ അമ്മ തരാം എന്ന് പറഞ്ഞതാ. പക്ഷെ ഞാൻ തടഞ്ഞു . എന്തിനാണെന്ന് ചോദിക്ക്. "

"എന്തിനാ..?" ശ്യാമ മെല്ലെ സൂചിത്രയോട് ചോദിച്ചു.

"അതേ ഞാൻ അന്ന് ഒരു കാര്യം പറഞ്ഞിരുന്നു. എന്റെ ഏട്ടനെ കെട്ടിച്ചു തരുമോ എന്ന് ഈ ശ്യാമ പെണ്ണിനെ കൊണ്ട് ഞാൻ ചോദിപ്പിക്കും എന്ന്. അങ്ങനെ ചോദിച്ചാൽ മാത്രമേ ഈ കല്യാണം നടക്കൂ എന്ന്.

മ്. വേഗം ചോദിച്ചോ. ഇല്ലെങ്കിൽ നാളെ കല്യാണം നടക്കില്ല." സുചിത്ര ചിരിയോടെ പറഞ്ഞു.

"ചേച്ചി. അത്.."

"വേഗം ചോദിക്ക് പെണ്ണേ.. ഇല്ലെങ്കിൽ നാളെ കല്യാണം നടത്താൻ ഞാൻ സമ്മതിക്കില്ല. വേഗം ചോദിച്ചോ." സുചിത്ര ചിരിയോടെ പറഞ്ഞു.

"ചേച്ചി. ചേച്ചിയുടെ ഏട്ടനെ എനിക്ക് വിവാഹം കഴിച്ച് തരുമോ..? ചേച്ചിയുടെ ഏട്ടനെ കൊണ്ട് എന്നെ കെട്ടിക്കാമോ..?" ശ്യാമ നാണത്തോടെ ചോദിച്ചു.

അത് കേട്ട് സുചിത്ര ചിരിച്ചു. എന്നിട്ട് ശ്യാമയെ കെട്ടിപിടിച്ചുകൊണ്ട് പറഞ്ഞു.

"ഇപ്പോൾ മുതൽ ഈ ശ്യാമ പെണ്ണ് എന്റെ ഏട്ടത്തി ആയി. ഇന്ന് കൂടെ അല്ലേ എനിക്ക് എന്റെ ഏട്ടത്തിയെ ഇങ്ങനെ കെട്ടിപിടിച്ചു കിടന്ന് ഉറങ്ങാൻ പറ്റൂ. നാളെമുതൽ ഈ ഏട്ടത്തി എന്റെ ഏട്ടനെ അല്ലേ കെട്ടിപിടിച്ചു കിടന്ന് ഉറങ്ങുക.. അതുകൊണ്ട് ഞാൻ വേഗം എന്റെ കണ്ണേട്ടനെ ഒന്ന് ഫോൺ വിളിച്ചു സംസാരിചിട്ട് വരാം. എന്നിട്ട് നമുക്ക് കെട്ടിപിടിച്ചു കിടന്ന് ഉറങ്ങാം. "

"അതിന് കണ്ണേട്ടൻ മുകളിലെ റൂമിൽ ഉണ്ടല്ലോ..? പിന്നെ എന്തിനാ ഫോൺ വിളിക്കുന്നത്. "

"എന്റെ ഏട്ടത്തി പെണ്ണേ. നാളെ മുതൽ ഞാൻ എന്റെ കണ്ണേട്ടന്റെ ഭാര്യ അല്ലേ.? ഇപ്പോൾ ഞാൻ കണ്ണേട്ടന്റെ കാമുകി... അപ്പോൾ ഇന്ന് കൂടെ അല്ലെ ഇങ്ങനെ കാമുകി കാമുകൻ മാരായി വിളിച്ചു സംസാരിക്കാൻ ഒക്കെ പറ്റൂ. അതുകൊണ്ട് ഇത് ചുമ്മാ ഒരു രസത്തിന്.. വേണെങ്കിൽ ഏട്ടത്തി അപ്പു ഏട്ടനെ വിളിച്ചോ. വിളിച്ചു സൊള്ളിക്കോ. "

അതും പറഞ്ഞു സുചിത്ര ഫോൺ എടുത്തു പുറത്തേക്ക് പോയി. ആ സമയം ശ്യാമ ഫോൺ എടുത്തു സുധിയെ വിളിക്കാൻ നോക്കി. കൃത്യ സമയം സുധി തിരിച്ചു വിളിച്ചു. ശ്യാമ വേഗം ഫോൺ എടുത്തു.

"ഹലോ അപ്പു ഏട്ടാ...എന്തിനാ വിളിച്ചത്..?" ഫോൺ എടുത്ത ഉടനെ ശ്യാമ ചോദിച്ചു.

"അതോ!!?. അതിനിക്ക് ഞാൻ കെട്ടാൻ പോകുന്ന പെണ്ണിന്റെ ശബ്‍ദം ഒന്ന് കേൾക്കാൻ വേണ്ടിയാ. നാളെ ആയാൽ കെട്ടിയ പെണ്ണിന്റെ ശബ്‍ദം അല്ലേ കേൾക്കാൻ പറ്റൂ. അതാ ഇപ്പോൾ വിളിച്ചത്. "

"അതിന് എന്തിനാ ഫോൺ വിളിക്കുന്നത്. അപ്പു ഏട്ടൻ അപ്പുറത്തെ റൂമിൽ