താര മകനെ അതിശയത്തോടെ ഒന്ന് നോക്കി. “പൈസയൊക്കെ രണ്ട് ദിവസം മുന്നേ എടുത്തതല്ലേ, ഇവനിത് എന്ത് പ്ലാനാ?” എന്നായിരുന്നു അവളുടെ നോട്ടത്തിന്റെ അർത്ഥം. പക്ഷേ സുകുമാരൻ അപ്പോഴും വിടാൻ ഭാവമില്ലായിരുന്നു. അയാൾ ജയയെ വീണ്ടും പച്ചയ്ക്ക് തെറി പറഞ്ഞു കൊണ്ടിരുന്നു.
രാജേഷ് പതുക്കെ അമ്മയെ മാറ്റി നിർത്തി. “അമ്മേ… ആ സുകുമാരൻ അങ്കിളിനെയും സ്മിതയെയും കുറച്ച് നേരം ഇവിടുന്ന് ഒന്ന് മാറ്റാമോ?” അവൻ പതുക്കെ ചോദിച്ചു.
താര അവന്റെ കയ്യിൽ ഒന്ന് നുള്ളി. “എന്താടാ നിന്റെ ഉദ്ദേശം? വല്ല കലാപരിപാടിയും ഉണ്ടോ?”
“അമ്മേ… ഒരു കലാശക്കൊട്ട് കൂടി… അതാ എന്റെ മനസ്സ്,” രാജേഷ് കള്ളച്ചിരിയോടെ പറഞ്ഞു.
“അത് വേണോടാ രാജേഷേ?” താര സംശയത്തോടെ ചോദിച്ചു.
“വേണം അമ്മേ… തറപ്പിച്ചു പറയുവാ,” അവൻ ഉറപ്പിച്ചു പറഞ്ഞു.
ഈ സമയം സുകുമാരനും ജയയും വഴക്ക് ഇടുകയായിരുന്നു.
താര ഉടനെ വഴക്കിനിടയിലേക്ക് കയറി നിന്നു.
“സുകുമാരൻ ചേട്ടാ, വെറുതെ ജയയെ വഴക്ക് പറയണ്ട. പെണ്ണുങ്ങളുടെ ഓരോരോ വിഷമങ്ങൾ നിങ്ങൾക്ക് അറിയാത്തതുകൊണ്ടാ. നമുക്ക് ആ എടിഎം വരെ ഈ വാനിൽ ഒന്ന് പോയി വരാം. സ്മിത മോളേ, നീയും കൂടെ വാ.”
താര പറഞ്ഞപ്പോൾ സുകുമാരൻ ഒന്ന് അടങ്ങി.
രാജേഷ് പെട്ടെന്ന് അടുത്ത അടവ് ഇറക്കി.
“അതേ… ഞാൻ വരുന്നില്ല. എനിക്കൊന്ന് കക്കൂസിൽ പോകണം.”
അവൻ അല്പം ഉച്ചത്തിൽ പറഞ്ഞപ്പോൾ എല്ലാവരും ചിരിച്ചു.
“എന്നാൽ ഞാൻ ഇരിക്കാം,” സ്മിത അവനോട് ചേർന്നു നിന്നു.
“എടി മൊണ്ണേ, ഞാൻ കക്കൂസിലേക്കാ പോകുന്നത്, അല്ലാതെ കാശ്മീരിലേക്കല്ല. നീയും കൂടെ വന്നാൽ എനിക്ക് സാധിക്കില്ല,” രാജേഷ് അവളെ കളിയാക്കി.
