അമ്മയുടെ 96 നൊസ്റ്റാൾജിയ [Vaisakh Murali] 1172

​അമ്മ എന്റെ മുഖത്തേക്ക് നോക്കി. അതിൽ അവിശ്വാസവും പ്രതീക്ഷയും കലർന്നിരുന്നു.

​”സഞ്ജൂ… നീയെന്താ ഈ പറയുന്നത്? നിന്റെ അച്ഛൻ അറിഞ്ഞാൽ…”

​”അച്ഛൻ അറിയേണ്ട കാര്യമില്ലമ്മേ. ഇത് നമുക്കിടയിലെ ഒരു രഹസ്യമാണ്. എന്റെ അമ്മയുടെ സന്തോഷത്തിന് വേണ്ടി എനിക്കിത് ചെയ്യണം. നമുക്ക് മുകേഷിനെ കണ്ടുപിടിക്കാം!”

അടുത്ത ദിവസങ്ങളിൽ എന്റെ ലക്ഷ്യം മുകേഷിനെ കണ്ടെത്തുക എന്നതായിരുന്നു. അമ്മ തന്ന പഴയ ഫോട്ടോയും കോളേജ് വിവരങ്ങളും വെച്ച് ഞാൻ തിരച്ചിൽ തുടങ്ങി.

മുകേഷ് രാജ് എന്ന പേര് ഫേസ്ബുക്കിൽ തിരഞ്ഞപ്പോൾ എനിക്ക് ഒരുപാട് റിസൾട്ടുകൾ കിട്ടി. ഒടുവിൽ അമ്മ തന്ന പഴയ ഫോട്ടോയുമായി സാമ്യമുള്ള, നരകയറിയ മുടിയും കട്ടിയുള്ള ഫ്രെയിമുള്ള കണ്ണടയുമുള്ള ഒരാളെ ഞാൻ കണ്ടെത്തി.

അത് അദ്ദേഹം തന്നെയായിരുന്നു.

​”അമ്മേ, നോക്കിയേ… ഇതാണോ?” ഞാൻ ലാപ്ടോപ്പ് അമ്മയുടെ നേരെ തിരിച്ചു.

​അമ്മയുടെ വിരലുകൾ വിറച്ചു. ആ സ്ക്രീനിൽ ഒന്ന് തൊടാൻ പോലും അമ്മ മടിക്കുന്നത് ഞാൻ കണ്ടു. “അതെ… ഇത് അവൻ തന്നെ. എന്റെ മുകേഷ്.”

​ഞാൻ ഉടനെ അമ്മയ്ക്കായി ഒരു ഫേസ്ബുക്ക് അക്കൗണ്ട് തുടങ്ങാൻ ശ്രമിച്ചു.

“അമ്മേ, നമുക്ക് ഒരു റിക്വസ്റ്റ് അയക്കാം. സംസാരിക്കാലോ.”

​എന്നാൽ അമ്മ അദ്ദേഹത്തിന്റെ പ്രൊഫൈലിലൂടെ താഴേക്ക് സ്ക്രോൾ ചെയ്തു. അവിടെ മുകേഷ് തന്റെ ഭാര്യയ്ക്കും മക്കൾക്കുമൊപ്പം ചിരിച്ചു നിൽക്കുന്ന ചിത്രങ്ങൾ കണ്ടപ്പോൾ അമ്മയുടെ മുഖത്തെ ആവേശം പെട്ടെന്ന് മാഞ്ഞു. അദ്ദേഹം സന്തുഷ്ടനായിരുന്നു. ഒരു മനോഹരമായ കുടുംബം, മക്കളുടെ കല്യാണം കഴിഞ്ഞ ഫോട്ടോകൾ… എല്ലാം അവിടെയുണ്ട്.