ഹരി ചോദിച്ചു അവളോട്…അവനെ ഒന്ന് കൂർപ്പിച്ചു നോക്കിയ അച്ചു മൈക്ക് തന്റെ ചുണ്ടോട് ചേർത്തു..
“ ഇവൻ ഇങ്ങനെ ഇവിടെ കേറി ഇതുപോലെ ഉള്ള ഡയലോഗ് അടിക്കുമെന്ന് ഞാൻ സ്വപ്നത്തിൽ പോലും കരുതിയില്ല.
ശരിക്കും പറഞ്ഞാ ഇവനൊരു ഇൻട്രോവേർട്ട് ആണ്…
പക്ഷെ എന്നെ സ്നേഹിക്കുന്ന കാര്യത്തിൽ അവനൊരു മടിയും കാണിച്ചിട്ടില്ല…
നിങ്ങളീ കാണുന്ന അർച്ചന എന്ന ഞാൻ ഉണ്ടായത് ഹരിയിൽ നിന്ന് കൂടെയാണ്…
നമ്മളീ നിൽക്കുന്നതിന്റെ സ്റ്റുഡിയോ എനിക്ക് തന്നത് പോലും ഇവനാണ്…
ഞാൻ പോലും മറന്നുപോയ ഡാൻസ് എന്ന എന്റെ ഡ്രീം എന്റെ കയ്യിൽ വച്ചു തന്നതും ഇവനാണ്…
അങ്ങനെയുള്ള ഹരി ഹസ്ബൻഡ് എന്ന പേരിൽ പരാജയം ആണെന്ന് പറഞ്ഞാൽ എനിക്കൊരിക്കലും സഹിക്കാൻ കഴിയില്ല…”
അച്ചു പറഞ്ഞു നിർത്തി…അവളുടെ കണ്ണുകൾ ചെറുതായി കലങ്ങിയിരുന്നു…
“ബട്ട് ഞാൻ നിന്നോട് വഴക്കൊക്കെ പിടിച്ചില്ലേ…അതെന്താ പറയാത്തത് “
ഹരി അവളോട് ചോദിച്ചു…
“ഹരി…. എന്താ ഇത്…
അതെന്താ ഭാര്യാ ഭർത്താക്കന്മാർക്ക് ഇടയിൽ വഴക്ക് വരില്ലെന്നാണോ…
നിങ്ങളിത് കേൾക്കണം…
എന്റെ ചില ഡാൻസുകൾ ഒക്കെ അല്പം ഇന്റിമേറ്റ് ആണെന്ന് നിങ്ങൾക്ക് എല്ലാവർക്കും അറിയാമല്ലോ…അതിലിവൻ എന്നോട് ഇടക്ക് പൊസ്സസിവനെസ്സ് കാണിച്ചിട്ടുണ്ട്.. അതിലെന്താണ് തെറ്റ്.. സ്വന്തം ഭാര്യ മറ്റൊരാളുടെ കൂടെ അടുത്ത് ഇടപഴകുമ്പോ ഏതൊരു ഭർത്താവിനും തോന്നാവുന്ന ഒന്നേ നിനക്കും തോന്നിട്ടുള്ളു.. പക്ഷെ നീ അതൊക്കെ ഉൾക്കൊണ്ടു എന്റെ കൂടെ നിന്നില്ലേ ഇത്ര നാൾ…
