ഉയർന്ന നെഞ്ചിടിപ്പും പകപ്പുമോടെ അവൾ ഹരിയുടെ മുഖത്തേക്ക് നോക്കി…
“ ഡിവോഴ്സ് നോട്ടീസോ….?
എന്താ ഹരി ഇത്…. “
അച്ചുവിന്റെ സ്വരം ഒന്ന് ഉയർന്നതും മൈക്കിലൂടെ അതെല്ലാവരും കേട്ടു…അവിടെ അതിഥികളായി എത്തിയവർ പോലും അതറിഞ്ഞു ഞെട്ടി തരിച്ചു നിന്നു…
സിദ്ധാർത്തും സൽമാനും ഗൗരിയും പരസ്പരം പ്രേതത്തെ കണ്ട പോലെ നോക്കി നിന്നു…
അപ്പോഴും ഹരിയുടെ ചുണ്ടിൽ ഒരു ചിരി ഉണ്ടായിരുന്നു…അവൻ പതിയെ അവളുടെ കയ്യിൽ നിന്നും മൈക്ക് വാങ്ങി…
“ മിസിസ്സ് അർച്ചന ഹരിനാരായണൻ….
ഞാൻ പറഞ്ഞില്ലേ….
ഈ ഗിഫ്റ്റ് നീ ആരായിരുന്നു എന്ന് ലോകത്തോട് പറഞ്ഞു കൊടുക്കുന്ന വേളയാണ് ഇത്…
ഹരി നാരായണൻ എന്ന എനിക്ക് ഇനി നിന്റെ ഭർത്താവ് എന്ന ലേബലിൽ കഴിയുവാൻ ആഗ്രഹമില്ല…”
ഹരിയുടെ സ്വരം ഉയർന്നു..
“ ഹരി…. ടാ…
നീ എന്താണീ പറയുന്നത്.. കുടിച്ചിട്ടുണ്ടെന്ന് വച്ച് ഇങ്ങനെയൊന്നും ചെയ്യരുത് കേട്ടോ…”
അർച്ചനയുടെ കണ്ണിൽ നിന്നും കണ്ണുനീർ ധാരയായി പുറത്തേക്ക് ഒഴുകി…
“ രണ്ട് പെഗ് ഒഴിക്കുന്ന ടൈമിൽ എനിക്ക് ഉണ്ടാക്കാൻ പറ്റുന്ന ഒന്നല്ല ഈ ഡിവോഴ്സ് നോട്ടീസ്…നന്നായി ആലോചിച്ചു ഞാൻ എടുത്തതാണ് ഈ തീരുമാനം…”
ഹരി ഉറച്ച വാക്കുകളോടെ പറഞ്ഞു…
“ഹരി…നീ കളിക്കല്ലേ…
ഞാനെന്ത് ചെയ്തിട്ടാ ഇങ്ങനെ…”
അവൾ തേങ്ങലോടെ പറഞ്ഞു..
“നീ ഇതിൽ കൂടുതൽ എന്താണ് ചെയ്യണ്ടത്…
നീ പറഞ്ഞല്ലോ ഒരു ഭർത്താവായ എന്റെ ഗുണങ്ങളെ പറ്റി…
