വയറിന്റെയും തുടയുടെയും ആകാര ഭംഗി വ്യക്തമായ് അനാവരണം ചെയ്തു. ഉടുത്തുണിയില്ലാതെ താൻ കണ്ടിരിക്കുന്ന ആ ശരീരഭംഗി ആ സുന്ദരമായ കാഴ്ച്ചയിൽ വാഹിദിനു വലിയ പ്രത്യേകതയൊന്നും തോന്നിച്ചില്ല. അവൻ ചുറ്റുപാടും ഒന്ന് കണ്ണോടിച്ചിട്ട് പാറയിൽ നിന്ന് ശ്രദ്ധയോടെ താഴെക്കിറങ്ങി. ആതിരയുടെ കൈ പിടിച്ചു സഹായിക്കുകയും ചെയ്തു.
“നമുക്ക് ആ വീടൊന്ന് പോയി കാണാം, എന്തേ.?”
അവൻ ആതിരയോട് ചോദിച്ചു. അവൾ അതേയെന്ന് തലകുലുക്കിയിട്ട് ആയിക്കോട്ടെ എന്ന അർത്ഥത്തിൽ കൈകൊണ്ട് ആംഗ്യം കാണിച്ചു. വാഹിദും ആതിരയും പാറയുടെ വലതു വശത്തുകൂടി താഴേക്ക് നടന്നു. ഒന്ന് രണ്ട് പറമ്പുകൾ ഇറങ്ങി, ജാനകി തന്റെ അവിഹിത ബന്ധത്തിന് വേണ്ടി കയറി വരുന്ന പടവുകളിലൂടെ തറവാടിന്റെ പിന്നിലേക്ക് എത്തി. പടവുകൾ സിമന്റ് തേച്ച് പുതുക്കി പണിതിട്ടുണ്ട്.
“ജാനകിയെ ഓർമ്മ വരുന്നുണ്ടോ? അവൾ ഇതുവഴിയാണ് കോരനെ കൊണ്ട് അടിപ്പിക്കാൻ പോയിരുന്നത്.”
വാഹിദ് കുസൃതിയോടെ പറഞ്ഞു. തന്നെക്കൊണ്ട് സംസാരിപ്പിക്കാൻ വേണ്ടിയുള്ള അവന്റെ ബുദ്ധിപരമായ നീക്കമാണ് ഈ കുരുത്തംകെട്ട കാര്യങ്ങൾ ആവർത്തിച്ചു പറച്ചിൽ എന്ന് ആതിരക്കറിയാം. അവനെ ഒന്ന് നാണം കെടുത്താൻ വേണ്ടി മനഃപൂർവ്വം പുച്ഛം നടിച്ചുകൊണ്ട് അവൾ ചുണ്ടുകോട്ടി.
വാഹിദ് പിന്നെ ഒന്നും പറയാതെ വീടിന്റെ മുൻവശത്തേക്ക് നീങ്ങി. വിശാലമായ മുറ്റം. ജോലിക്കാർ ആരോ വന്ന് വൃത്തിയാക്കി സൂക്ഷിക്കുന്നുണ്ട്. മുറ്റത്ത് ഏതോ വാഹനം വന്നുപോകുന്നതിന്റെ പാടുകൾ. വാസുകാരണവരുടെ കാളവണ്ടികൾ വന്നു പോയിരുന്ന അതെ വഴിതന്നെയാണ് ഇപ്പോഴും.
