“നിനക്ക് മനസ്സിലായോ ആരാണ് ആ കെട്ടിലമ്മയുടെ, തമ്പ്രാട്ടിയുടെ രഹസ്യ കളിക്കാരൻ എന്ന്?”
വാഹിദ് ആതിരയോട് ചോദിച്ചു. അവൾ ഉത്തരമൊന്നും പറയാതെ അവന്റെ മുഖത്തേക്ക് നോക്കി നിന്നതേയുള്ളൂ.
“കോരൻ.! കോരനാണ് ആ കാമുകൻ.!” വാഹിദ് ചെറിയ ചിരിയോടെ പറഞ്ഞു. ആതിരയുടെ ചുണ്ടിൽ ഒരു പരിഹാസചിരി തെളിഞ്ഞു വന്നു. അവൾ പുച്ഛത്തോടെ അവനെ നോക്കി. അത് കണ്ടെങ്കിലും വാഹിദ് അത്ര കാര്യമാക്കിയില്ല. അവൻ പാറയുടെ മുകളിലേക്ക് കയറാൻ തുടങ്ങി.
ഒരു കമിഴ്ത്തിയിട്ട ചിരട്ടയുടെ ആകൃതിയാണ് പാറയുടെ രൂപം. നല്ല ഉയരമുണ്ടെങ്കിലും താഴെനിന്ന് മുകളിലേക്ക് ചരിഞ്ഞാണ് പോകുന്നത്. അതുകൊണ്ട് എളുപ്പം കയറാൻ സാധിക്കും. അവന്റെ പിന്നാലെ അവളും മുകളിലേക്ക് പിടിച്ചു കയറി.
മനോഹരമായ കാഴ്ച്ച.!
മുന്നിൽ വിശാലമായ പച്ചപ്പിന്റെ ഒരു സാഗരം പരന്നു കിടക്കുന്നു. തെങ്ങുകളുടെയും മറ്റു വൃക്ഷങ്ങളുടെയും മേലാപ്പുകൾ പരന്നു കിടക്കുന്ന, അതിവിദൂരതയിൽ ഏതോ മലനിരകൾ അതിര് തീർക്കുന്ന സുന്ദരമായ കാഴ്ച്ച. പിന്നെ പടിഞ്ഞാറാൻ ചക്രവാള മേഘങ്ങൾ ചിത്തരിക്കിടക്കുന്ന ആകാശം.
താഴെ വലതുഭാഗത്തു പാറത്തൊടി തറവാടിന്റെ ആകാശക്കാഴ്ച്ച. അതിനപ്പുറം മരങ്ങളുടെ വിടവിലൂടെ താഴെ വിശാലമായ പറമ്പുകൾ. ഒരുകാലത്ത് അതൊക്കെ പാറത്തൊടിക്കാരുടെ നെൽപ്പാടങ്ങൾ ആയിരുന്നു.
പടിഞ്ഞാറൻ കാറ്റിന്റെ അനന്തമായ തിരമാലകൾ നിരന്തരം അവരെ വന്നു പൊതിഞ്ഞു. ആതിര കണ്ണുകൾ അടച്ചു കാറ്റിന്റെ സുഖകരമായ കുളിരിനെ ഏറ്റുവാങ്ങി നിവർന്നു നിന്നു. എണ്ണയിടാത്ത ചെമ്പിച്ച മുടിയിഴകൾ കാറ്റിൽ ഇളകിയാടി. ഇളം റോസ് നിറമുള്ള ചുരിദാർ ടോപ്പ് കാറ്റിൽ ശരീരത്തിലേക്ക് ഒട്ടിച്ചേർന്നു മുലയുടെ സമൃധി തള്ളിക്കാണിച്ചു.
