കണ്ണിലുദിച്ച കിനാവുകൾ [സ്പൾബർ] 694

അത് മാത്രമേ അമ്പിളി ചോദിച്ചുള്ളൂ.. അതില്ലെല്ലാമുണ്ടായിരുന്നു..

“ഇല്ല… ആരുമറിയില്ല… എന്റെ വീട്ടിലേക്ക് പോരുന്നതിൽ അമ്പിളിക്ക് ബുദ്ധിമുട്ടൊന്നുമില്ലല്ലോ… ?”..

“ഇ… ഇല്ല… പക്ഷേ… വിജയൻ…അവന്റെ നാടല്ലേ ഇത്…?”..

“ഉം… അവനിവിടെ എവിടെയെങ്കിലും കാണും… നീയേതായാലും വീട്ടിലെത്തുന്നത് വരെ കുനിഞ്ഞിരുന്നോ… ഇപ്പോ ഏതായാലും അമ്പിളിയെ സുധീർ കെട്ടിയെന്ന് നാട്ടുകാരറിയണ്ട…”..

വിജയന്റെ വീടിനടുത്തെത്താറായതും അമ്പിളി കാറിൽ കുനിഞ്ഞിരുന്നു..പിന്നെ അവൾക്ക് പുറം കാഴ്ചകളൊന്നും കാണാനായില്ല.. കുറച്ച് ദൂരം കൂടി ഓടി കാറ് നിന്നു..

“എണീക്കണ്ട… ഞാൻ ഗേറ്റ് തുറന്ന് കാറ് ഉള്ളിൽ കേറ്റട്ടെ… “..

അത് പറഞ്ഞ് സുധി ഇറങ്ങി ഗേറ്റ് തുറന്നിട്ട് കാറ് മുറ്റത്തേക്ക് കയറ്റി.. പിന്നെയും അവൻ ചെന്ന് ഗേറ്റടച്ച് വന്ന് കാറിന്റെ ഡോറ് തുറന്നപ്പോഴാണ് അമ്പിളി തല പൊക്കിയത്..

“വാ… ഇറങ്ങ്… വീടെത്തി…”..

അമ്പിളിക്ക് ചെറിയൊരു പേടിയുണ്ടായിരുന്നു.. എന്നാലും അവൾ പതിയെ ഇറങ്ങി.. അവൾ കാല് വെച്ചത് തന്നെ സിറ്റൗട്ടിലേക്ക് കേറുന്ന സ്റ്റപ്പിലേക്കാണ്..

“വാ… “..

സുധി അവളുടെ കയ്യിൽ പിടിച്ച് മുൻവാതിലിനടുത്തേക്ക് ചെന്നു.. അവൻ പോക്കറ്റിൽ നിന്ന് ചാവിയെടുത്ത് വേഗം വാതിൽ തുറന്ന് അകത്തേക്ക് കയറി.. അമ്പിളിയേയും കയറ്റി.. അവൻ ഉള്ളിൽ നിന്ന് വാതിലടച്ച് കുറ്റിയിട്ടു.. അമ്പിളി ആശ്വാസത്തോടെയൊന്ന് ശ്വാസമെടുത്തു..

ഇതൊരപൂർവ്വ സംഭവമായിരിക്കുമെന്ന് അമ്പിളിക്ക് തോന്നി.. ഭർത്താവിന്റെ നാട്ടിലേക്ക് കാമുകനോടൊപ്പം വന്നിരിക്കുകയാണ്.. അൽപമകലെയാണ് ഭർത്താവിന്റെ വീട്.. ചിലപ്പോ അവനീ പരിസരത്തെങ്ങാനും ഉണ്ടാവാനും മതി..