“ഇവന് കിട്ടിയതൊന്നും പോരേ…” ഞാൻ മനസ്സിൽ പറഞ്ഞു.
അപ്പോഴാണ് അവൻ അടുത്തിരുന്ന ഒരാളെ വിളിക്കുന്നത് ഞാൻ കണ്ടത്. അയാൾ അവന്റെ അടുത്തേക്ക് ചായുമ്പോൾ അവൻ എന്തോ ചെവിയിൽ മന്ത്രിച്ചു.
അത് കേട്ട ഉടനെ അയാൾ എന്റെ നേരെ ഒന്ന് നോക്കി. പിന്നെ തല കുലുക്കുകയും ചെയ്തു.
അത് കണ്ടതും എനിക്ക് ചെറിയൊരു സംശയം തോന്നി.
“എന്തോ അലമ്പുണ്ടാക്കാനുള്ള പരിപാടിയാണല്ലോ…”
ഞാൻ അവരെ നോക്കിക്കൊണ്ട് മനസ്സിൽ പറഞ്ഞു.
എന്നാലും അവിടെ നിന്ന് മാറാതെ ഞാൻ നിന്നു. അവർ ഇനി എന്താണ് ചെയ്യാൻ പോകുന്നതെന്ന് എന്നുള്ള ഒരു കൗതുകം എനിക്കുമുണ്ടായിരുന്നു.
ആ ചായക്കടയിൽ നിന്ന് അഞ്ചാറുപേർ പുറത്തേക്ക് ഇറങ്ങി വന്നു.
എല്ലാവരും നല്ല തടിയും ഉയരവും ഉള്ളവർ. കണ്ടാൽ തന്നെ വെറുതെ വഴക്കിന് ഇറങ്ങുന്ന ടൈപ്പ്.
അവർ നേരെ എന്റെ ഭാഗത്തേക്കാണ് നടക്കുന്നത്.
അത് കണ്ടപ്പോൾ കാര്യങ്ങൾ ഏകദേശം എനിക്ക് മനസ്സിലായി.
“ആഹാ… അപ്പൊ ഇതാണ് പരിപാടി.”
ഞാൻ മനസ്സിൽ പറഞ്ഞു.
വെറുതെ പേടിച്ച് മാറിനിൽക്കാൻ എനിക്കും തോന്നിയില്ല. എന്തായാലും വരുന്നത് വരട്ടെ എന്ന് കരുതി ഞാൻ അവിടെ തന്നെ നിന്നു.
അവർ ഓരോ ചുവടായി അടുത്തേക്ക് വന്നു കൊണ്ടിരുന്നു.
അപ്പോഴാണ് പെട്ടെന്ന് ഒരു വലിയ ഹോണിന്റെ ശബ്ദം കേട്ടത്.
പാം…!
അപ്രതീക്ഷിതമായ ആ ശബ്ദത്തിൽ ഞാൻ ഒന്ന് ഞെട്ടി.
ഞാൻ ഉടനെ ചുറ്റും നോക്കി.
റോഡിന്റെ അപ്പുറത്ത് നിന്ന് ഒരു വാഹനം പതുക്കെ അടുത്തേക്ക് വരികയായിരുന്നു.
ഇതിൽ ഇഷ്ടം പോലെ കളിക്ക് സ്കോപ്പ് ഉണ്ടല്ലോ എന്നിട്ട് ഒന്നെ ഉള്ളു