Chapter Title : പകുതി പൂക്കുന്ന പാരിജാതങ്ങൾ 2 [സ്പൾബർ]

മിയ കടുപ്പിച്ച് പറഞ്ഞ് അടുക്കളയിലേക്ക് പോയി. ഉള്ളിൽ നിന്നും കുറ്റിയിട്ടിരിക്കുകയാണ് അടുക്കള വാതിൽ. അവൾ കുറ്റിയെടുത്ത് വാതിൽ തുറന്നു.

“ മറിയച്ചേടത്തീ… ഗുഡ്മോണിംഗ്…””

അവൾ ചിരിയോടെ പറഞ്ഞു.

മറിയച്ചേടത്തി, അവർ അമേരിക്കയിൽ നിന്ന് വന്ന് ഇവിടെ താമസമാക്കിയത് മുതൽ ഉള്ള ജോലിക്കാരിയാണ്.
നല്ല കൈപ്പുണ്യമുള്ള,വിശ്വസ്ഥയായ അടുക്കളക്കാരി.
അവർ വൈകുന്നേരം അടുക്കള, പുറത്ത് നിന്ന് പൂട്ടി താക്കോലുമായി വീട്ടിൽ പോകും. അതിരാവിലെ വന്ന് വാതിൽ തുറന്ന് അടുക്കളയിൽ കയറും. അവർ അടുക്കളയിൽ കയറിയാലും വീടിനകത്തേക്ക് കയറാൻ കഴിയില്ല. ഹാളിൽ നിന്നുള്ള വാതിൽ അകത്ത് നിന്ന് കുറ്റിയിടും. രാവിലെ ബെറ്റി എഴുന്നേറ്റ് വന്നാലേ അത് തുറക്കൂ…

“ആഹാ… പുതുമണവാട്ടിയെന്തേ ഇന്ന് നേരത്തെ… അല്ലെങ്കിൽ എട്ട് മണിക്കല്ലേ എഴുന്നേൽക്കൂ… ?”

മറിയച്ചേടത്തി സന്തോഷത്തോടെ ചോദിച്ചു. അവര് രണ്ടും നല്ല കമ്പനിയാണ്.
ബെറ്റി ചേട്ടത്തിയോട് അധികം മിണ്ടാറില്ല..
പാവപ്പെട്ടവരെ കാണുന്നത് തന്നെ ബെറ്റിക്ക് അറപ്പാണ്.

“ കെട്ട്യോനെ ജോലിക്ക് വിടണ്ടേ ചേടത്തീ… അപ്പോ ഭാര്യ ഉറങ്ങിയാ പറ്റോ…കഴിക്കാനുള്ളതായോ ചേടത്തീ….?”

മിയ ചിരിയോടെ ചോദിച്ചു..

“എല്ലാം റെഡി… പാലപ്പം… മുട്ടക്കറി… ചിക്കൻ കറി…. കാപ്പി… എല്ലാം റെഡി…”

“ എന്നാ പെട്ടെന്ന് വിളമ്പ്… ഇച്ചായന് ഇറങ്ങാൻ സമയമായി…”

ചേടത്തി വേഗം തന്നെ എല്ലാം വിളമ്പി. മിയ എല്ലാം കൊണ്ട് പോയി ടേബിളിൽ നിരത്തി.

“നിന്നോട് ഞാൻ പറഞ്ഞില്ലേടീ, എനിക്കൊരു ഗ്ലാസ് ചായ മാത്രം മതീന്ന്… ഇതൊന്നും ഇപ്പോ വേണ്ടെടീ പൊന്നേ…”

അവൾ നിരത്തുന്ന വിഭവങ്ങളിലേക്ക് നോക്കി സണ്ണി പറഞ്ഞു.

“ അതൊക്കെ ഇന്നലത്തോടെ തീർന്നു… ഇന്ന് മുതൽ പുതിയ ശീലങ്ങൾ… ഓക്കേ…”

അവൾ പ്ലേറ്റിലേക്ക്