Chapter Title : പകുതി പൂക്കുന്ന പാരിജാതങ്ങൾ 2 [സ്പൾബർ]

യാത്ര പറഞ്ഞ് പോകാൻ അവനെന്റെ ആരാ… നീ അവനെ കെട്ടാൻ ഞാൻ സമ്മതിച്ചോ..?
ഇല്ലല്ലോ… ?
അപ്പോ പിന്നെ അവനെന്റെ ആരുമല്ല…”

മിയ ഞെട്ടിപ്പോയി. ആദ്യം മമ്മി സമ്മതിച്ചില്ലേലും ഈ വീട്ടിലേക്ക് ഡാഡി കൂട്ടിക്കൊണ്ട് വന്നതോടെ മമ്മിക്കും പ്രശ്നമില്ലെന്നാണ് കരുതിയത്.

“ എനിക്കവനെ ഇഷ്ടമല്ല… അവനീ വീട്ടിൽ കഴിയുന്നതും എനിക്കിഷ്ടമല്ല..
നിന്റെ ഡാഡി എന്നെ ഭീഷണിപ്പെടുത്തിയാണ് സമ്മതിപ്പിച്ചത്.. അപ്പോ സമ്മതിക്കാതെ എനിക്ക് വേറെ മാർഗമില്ലായിരുന്നു…
എന്റെ മോളൊരു കാര്യം മനസിലാക്കിക്കോ… അവനിവിടെ വാഴില്ല… ഞാനതിന് സമ്മതിക്കില്ല… എന്റെ കൂടെ നിന്നാ നിനക്ക് നല്ലൊരു ചെക്കനെ ഞാൻ റെഡിയാക്കിത്തരും..
നല്ല ജോലിയുള്ള, നല്ല പണക്കാരനായ ഒരുത്തനെ,,..അവന്റെ കൂടെ മോൾക്ക് രാജകുമാരിയെ പോലെ കഴിയാം.. ഇവൻ നമുക്ക് വേണ്ട മോളെ… നമ്മുടെ കുടുംബത്തിനവൻ ചേരില്ല…”

മിയ വിശ്വാസം വരാതെ മമ്മിയെ നോക്കി. എന്തൊക്കെയാണ് മമ്മിയീ പറയുന്നത്. ഇച്ചായനെ ഉപേക്ഷിക്കാനോ… ?-
എന്നിട്ട് പണക്കാരനായ ഒരാളെ കൊണ്ട് തന്നെ കെട്ടിക്കാമെന്ന്…

മിയയുടെ ഉള്ളിൽ മമ്മിയോടുള്ള ദേഷ്യം പതഞ്ഞ് പൊന്തി .

“മമ്മീ…മമ്മിയെ ഡാഡി കല്യാണം കഴിക്കുമ്പോ മമ്മി പണക്കാരിയായിരുന്നോ… ?
ചെറിയൊരു കുടിലല്ലേ മമ്മി താമസിച്ചിരുന്നേ,..?. മമ്മിയുടെ അപ്പന് കറവയല്ലായിരുന്നോ പണി….?
അതൊക്കെ മമ്മി മറന്നോ…”

ബെറ്റി അത് കേട്ട് പകയോടെ മകളെ നോക്കി.

“എന്റെ കുടുംബ ചരിത്രം നീയധികം ചികയണ്ട… എന്റെ കാര്യമല്ല നമ്മൾ സംസാരിക്കുന്നതും… ഒരു വീടോ, ബന്ധുക്കളോ ഇല്ലാത്ത ആ തെണ്ടിയെ ഞാനീ വീട്ടിൽ കേറ്റില്ല… നീയെന്തൊക്കെ പറഞ്ഞാലും…”

“അത് മമ്മിക്കെങ്ങിനെ പറയാനാകും.. ഇത് മമ്മിയുടെ വീടാണോ… അല്ലല്ലോ..
ഇതെന്റെ ഡാഡിയുടെ വീടാണ്… ആ ഡാഡിയാണ് എന്നെയും