Chapter Title : രുദ്രപ്രതാപം 20 [JHON CLINTON]

പോയി കാശും കൊടുത്തു ഞങ്ങൾ അവിടുന്ന് ഇറങ്ങി വീട്ടിലേക്ക്...

പോകുന്ന വഴി അവൻ ഓരോന്ന് ചോദിച്ചുകൊണ്ടിരുന്നു. ഞാൻ എല്ലാത്തിനും ഒരു താളപര്യമില്ലാത്ത മട്ടിൽ മറുപടി പറഞ്ഞു.

സമയം ഇപ്പോൾ ഒരു 9:00 മണിയൊക്കെ ആയിട്ടുണ്ട്. ഗേറ്റിന്റെ മുന്നിൽ അവൻ വണ്ടി നിർത്തി.

“എടാ പിന്നെ നീ ടെൻഷനൊന്നും അടിക്കേണ്ട..”

അവൻ എൻറെ നേരെ തിരിഞ്ഞു പറഞ്ഞു തുടങ്ങി...

“എല്ലാം ശരിയാവും...നീ എന്തേലും ഉണ്ടേൽ വിളി”

അപ്പൊ മൈരന് ഞാൻ പറയുന്നത് ഒക്കെ മനസ്സിലായിട്ടുണ്ട് വെറുതെ എന്നെ ഇട്ട് പൊട്ടൻ ആക്കുകയായിരുന്നു അല്ലേ.

“ആടാ...”

“എന്നാൽ ഞാൻ പോട്ടെ ഇനിയും നിന്നാൽ ചിലപ്പോൾ എന്നെ തള്ള വീട്ടിൽ കേറ്റൂല... അപ്പോൾ ശരി നാളെ കാണാം..”

അതും പറഞ്ഞുകൊണ്ട് അവൻ ഇരുട്ടിലേക്ക് നീങ്ങി. ഞാൻ വീട്ടിലേക്കും. എല്ലാവരും കിടന്നു എന്ന് തോന്നുന്നു ഒരു അനക്കവും കാണാനില്ല ലൈറ്റ് ഒക്കെ ഓഫ് ആക്കി ആണ് ഇരിക്കുന്നത്. പതിയെ ഒന്ന് വാതിൽ തള്ളിയപ്പോ തന്നെ അത് തുറന്നു വന്നു. അപ്പോൾ അടച്ചിട്ടൊന്നുമില്ലല്ലോ.

ഒച്ചയുണ്ടാക്കാതെ ഞാൻ അകത്തേക്ക് കയറി. അവിടെയൊന്നും ആരെയും കാണാനില്ല പതിയെ നടന്നു മുകളിലേക്ക് പോവാൻ നിന്നപ്പോഴാണ്. സോഫയിൽ ആരൊക്കെയോ ഇരിക്കുന്നത് കണ്ടത് ആരെയും ശ്രദ്ധിക്കാൻ ഒന്നും നിന്നില്ല മൈൻഡ് ചെയ്യാതെ ഒറ്റ പിടുത്തം ആയിരുന്നു മുറിയിലേക്ക്. അവരെയൊക്കെ ഫേസ് ചെയ്യാൻ എനിക്ക് വല്ലാത്തൊരു പേടിയായിരുന്നു...

അങ്ങനെ ഓടി മുറിയിൽ കയറി ഞാൻ വാതിൽ അടച്ചു.

ഹു...

രക്ഷപ്പെട്ടെന്ന് ആശ്വാസത്തിൽ ഞാൻ ശ്വാസം വലിച്ചു വിട്ടു. അങ്ങനെ തിരിഞ്ഞു നോക്കിയപ്പോഴാണ് ബെഡിൽ ഒരാൾ ഇരിക്കുന്നത് കണ്ടത്. വേറെ ആരാ മായ തന്നെയാണ്.