സാധാരണ നിലയിൽ നിന്നും അവളുടെ നെഞ്ചിടിപ്പ് കുതിച്ചുയരാൻ തുടങ്ങിയിരിക്കുന്നു. ഈ ലണ്ടൻ നഗരത്തിലെ വിജനമായ ഹോട്ടൽ റൂമിൽ അവന്റെ മാത്രമായി നിൽക്കുമ്പോൾ സിനിക്ക് വല്ലാത്തൊരു അനുഭൂതി തോന്നി. നാൽപ്പത്തിയാറാം വയസ്സിലും താൻ ഒരു കൗമാരക്കാരിയെപ്പോലെ ഭയപ്പെടുന്നുണ്ടല്ലോ എന്ന് അവൾ അത്ഭുതപ്പെട്ടു…
വാതിൽ തുറന്ന് റൂബൻ അകത്തേക്ക് വന്നതും അവളുടെ നെഞ്ചിടിപ്പ് ക്രമാതീതമായി ഉയരാൻ തുടങ്ങി. ലഗ്ഗേജ് ഒരു വശത്തേക്ക് മാറ്റിവെച്ച് അവൻ അവൾക്ക് അരികിലേക്ക് നടന്നു. ജിൻസും ടീഷർട്ടും ധരിച്ച റൂബനെ നോക്കുമ്പോൾ സിനിയുടെ ശ്വാസം പോലും നിലയ്ക്കുന്നതുപോലെ തോന്നി…
” എങ്ങനെയുണ്ട് ഹോട്ടൽ വ്യൂ…? ഇഷ്ടമായോ ഡോക്ടറേ…? ” ഒരു കള്ളച്ചിരിയോടെ റൂബൻ ചോദിച്ചു.
” യെസ്… ഒരുപാട്… ” അവളുടെ ശബ്ദം നേർത്തുപോയി…
റൂബൻ അവളുടെ അരികിലേക്ക് വന്നതും സിനി എഴുന്നേറ്റ് നിന്നു. തണുപ്പ് കൊണ്ട് വിറയ്ക്കുന്ന അവളുടെ തോളിലൂടെ അവൻ കൈകൾ ചുറ്റി.
” എന്താ സിനിക്കുട്ടാ… തണുപ്പാണോ അതോ പേടിയാണോ…? ”
അവൻ പതുക്കെ അവളുടെ മുഖം ഉയർത്തി. വിടർന്ന കണ്ണുകളിൽ പ്രണയവും കാമവും ഇഴചേർന്നു നിൽക്കുന്നത് അവൻ കണ്ടു. അവളുടെ പാറിവീണ മുടിയിഴകൾ അവൻ കാതോരത്തേക്ക് മാറ്റി വെച്ചു. സിനിയുടെ ചുണ്ടുകളിൽ ഒരു ചെറിയ ചിരി വിരിഞ്ഞു. ആ നിമിഷം അവർക്കിടയിൽ വാക്കുകൾക്ക് പ്രസക്തിയില്ലായിരുന്നു…
റൂബൻ പതുക്കെ തന്റെ ചുണ്ടുകൾ അവളുടെ അധരങ്ങളിലേക്ക് അടുപ്പിച്ചു. ഇത്രയും കാലം ഉള്ളിൽ ഒളിപ്പിച്ചുവെച്ച പ്രണയം മുഴുവൻ ആ ചുംബനത്തിലൂടെ അവൻ അവൾക്ക് നൽകി. സിനി അവന്റെ ടീഷർട്ടിൽ മുറുക്കിപ്പിടിച്ചു. ലണ്ടനിലെ ആ മുറിയിൽ ചുംബനങ്ങളുടെ താളം മാത്രം ബാക്കിയായി…
വ്യോമക്കശൻ
to
കബനീനാനാഥ
കഥാന്തരീക്ഷത്തിലേക്കു പെട്ടെന്ന് കൂട്ടികൊണ്ട് പോകാൻ കഥാകാരന് കഴിയുന്നു. അതുകൊണ്ടുതന്നെ ഇടയ്ക്കു നിന്ന് പോകുമ്പോൾ ഖേദം തോന്നും.
Dear കബനി…തിരക്കുകൾ ഉണ്ടാകും എന്നു അറിയാം.. പറ്റുന്ന സമയങ്ങളിൽ ഇതുപോലെ എഴുതൂ..താങ്കളോടും താങ്കളുടെ എഴുത്തിനോടുമുള്ള ഇഷ്ടവും,ആരാധനയും കൂടുതൽ ആണു…❤️🥰