ഭാര്യയുടെ അവിഹിതവവും ഭർത്താവിന്റെ കുറ്റാന്വേഷണവും 7 [ഗില്ലി ബാല] 75

 

 

 

“ആഹ്… പറ.”

 

അവൾ ആരോടോ സംസാരിക്കുകയാണ്.

 

“അവൻ പോയി…”

 

അവൾ എന്നെക്കുറിച്ചാണ് പറയുന്നത്.

 

 

 

“ഹാ… ഒറ്റയ്ക്കാ. എന്തേ?”

 

 

 

“അത് വേണോ?”

 

അവൾ കുറച്ചു നേരം ആലോചിച്ചു.

 

 

 

“ആഹ്… എന്നാ പോരെ. പിന്നെ… അന്നത്തെപ്പോലെ ആവരുത്. കുറെ കംപ്ലയിന്റ്സ് ആണ് അപ്പാർട്ട്മെന്റിൽ നിന്ന് വരുന്നത്

 

 

 

.” ഗൗരവത്തോടെ അത്രയും പറഞ്ഞ് അവൾ ഫോൺ വെച്ചു.

ആരാണിപ്പോൾ ഇങ്ങോട്ട് വരുന്നത്? ‘അന്നത്തെപ്പോലെ ആവരുത്’ എന്ന് അവൾ ഉദ്ദേശിച്ചത് ആ പാർട്ടിയെക്കുറിച്ചാണോ? എന്റെ നെഞ്ചിടിപ്പ് കൂടി. മുറിയിൽ അങ്ങോട്ടും ഇങ്ങോട്ടും നടന്ന് ഞാൻ ആകാംക്ഷയോടെ കാത്തിരുന്നു. ഏകദേശം രണ്ട് മണിക്കൂർ കഴിഞ്ഞപ്പോൾ ഫ്ലാറ്റിന്റെ വാതിൽക്കൽ ആരോ വന്നതായി ക്യാമറയിൽ തെളിഞ്ഞു. സ്ക്രീനിലേക്ക് മുഖം അടുപ്പിച്ച് ഞാൻ സൂക്ഷിച്ചു നോക്കി.

 

വാതിൽ തുറന്നപ്പോൾ അങ്ങോട്ട് കയറി വരുന്നത് മറ്റാരുമല്ല, ഗൗരിയായിരുന്നു!

അവളെ കണ്ടതും എന്റെ ഉള്ളിലെ പിരിമുറുക്കം പെട്ടെന്ന് അയഞ്ഞു. ഒരു വലിയ ആശ്വാസം എന്നെ പൊതിഞ്ഞു. ഗൗരി അച്ചുവിന്റെ ഉറ്റ സുഹൃത്താണല്ലോ. അവൾ വരുന്നത് സ്വാഭാവികമാണ്. അച്ചു ഫോണിൽ പറഞ്ഞ ആ പരാതികളും സൗണ്ടും ഒക്കെ ഒരുപക്ഷേ ഗൗരിയും മറ്റ് കൂട്ടുകാരും ചേർന്ന് നടത്തിയ ചെറിയ ആഘോഷങ്ങളെക്കുറിച്ചാകാം. ഞാൻ വെറുതെ സംശയിക്കുകയായിരുന്നു എന്ന് വീണ്ടും എനിക്ക് തോന്നി.

 

 

 

ഗൗരി അകത്തേക്ക് കയറി അച്ചുവിനെ കെട്ടിപ്പിടിക്കുന്നത് ഞാൻ കണ്ടു. അവർ രണ്ടുപേരും ചിരിച്ചുകൊണ്ട് എന്തൊക്കെയോ സംസാരിക്കാൻ തുടങ്ങി. ‘ഹരി… നീ വെറുതെ ഓരോന്ന് സങ്കൽപ്പിക്കുകയാണ്,’ ഞാൻ എന്നോട് തന്നെ പറഞ്ഞു. ഒരു കള്ളനെപ്പോലെ സ്വന്തം ഭാര്യയെ നിരീക്ഷിക്കുന്നതിലെ കുറ്റബോധം വീണ്ടും എന്റെ മനസ്സിനെ അലട്ടാൻ തുടങ്ങി.