അപ്പോഴാണ് അവളുടെ കണ്ണ് ഒരു പേരിൽ നിശ്ചലമായത്.
മനു സാർ
ലക്ഷ്മി ഒരു നിമിഷം ഫോൺ സ്ക്രീനിലേക്ക് തന്നെ നോക്കി നിന്നു.
തെറ്റായി കണ്ടതാണോ എന്ന് തോന്നി.
അവൾ ലിസ്റ്റ് ഒന്ന് മുകളിലേക്കും താഴേക്കും സ്ക്രോൾ ചെയ്തു.
വീണ്ടും നോക്കി.
അതെ.
മനു സാർ അവളുടെ സ്റ്റാറ്റസ് കണ്ടിരിക്കുന്നു.
അവളുടെ ഹൃദയം ഒന്ന് ശക്തമായി മിടിച്ചു.
ഇതിനുമുൻപ് അവൾ എത്രയോ തവണ സ്റ്റാറ്റസ് ഇട്ടിട്ടുണ്ട്.
ചിലപ്പോൾ കാഷ്വൽ സെൽഫി…
ചിലപ്പോൾ ഫ്രണ്ട്സും ആയുള്ള ഫോട്ടോസ്,…
പലപ്പോളും അവൾ നോക്കിയിട്ടുണ്ട് മനു സാർ കണ്ടോ എന്ന്.
പക്ഷേ ഒരിക്കലും ആ പേര് viewer list ൽ വന്നിട്ടില്ല.
അവൾ പലപ്പോഴും ചിന്തിച്ചിട്ടുണ്ട് സാർ തന്നെ ബ്ലോക്ക് ചെയ്തിട്ടുണ്ടാകുമോ എന്ന്.
അല്ലെങ്കിൽ തന്റെ സ്റ്റാറ്റസ് കാണാതിരിക്കാൻ മ്യൂട്ട് ചെയ്തിട്ടുണ്ടോ എന്ന്.
താൻ ഒരിക്കൽ തുറന്ന് ഇഷ്ടം പറഞ്ഞതിന് ശേഷം,
അവൻ ബൗണ്ടറി വരച്ചതിന്റെ ഭാഗമായിരിക്കുമോ അതെന്ന്.
പക്ഷേ ഇന്നലെ…
ഇന്നലെ ഇട്ട സ്റ്റാറ്റസ് അവൻ കണ്ടിരിക്കുന്നു.
അപ്പോൾ… സാർ ബ്ലോക്ക് മാറ്റിയോ?
അല്ലെങ്കിൽ സ്റ്റാറ്റസ് വീണ്ടും കാണാൻ തുടങ്ങിയത് എന്തുകൊണ്ട്?
“എന്തായിരിക്കും പെട്ടെന്ന് സാർ അങ്ങനെ ചെയ്തത്…?”
അവൾ സ്വയം ചോദിച്ചു.
ഒരു വ്യക്തമായ ഉത്തരം അവൾക്ക് കിട്ടിയില്ല.
പക്ഷേ മറുപടി കിട്ടാത്ത ചോദ്യങ്ങൾക്കുപോലും ചിലപ്പോൾ സന്തോഷം തരാൻ കഴിയും.
അവൾ ഫോൺ നെഞ്ചിനരികിൽ പിടിച്ച് ഒരു ചെറിയ ചിരി ചിരിച്ചു.
