തമ്പുരാട്ടി 6 [രാമന്‍] 1646

“അമ്മച്ചി വേഗം ചൂടാക്കി തരാം..മെല്ലെ കഴിക്കേ..”എന്നും പറഞ്ഞു അമ്മച്ചി അടുക്കളയിലേക്ക് പോയി.അതിനിടെ വീണ്ടും ഏട്ടത്തി എനിക്ക് കോഴിക്കറി ഒഴിച്ച് തന്നു.ഞാൻ രണ്ടപ്പം കൂടെ അകത്താക്കി. ചൂടാക്കിയ പച്ച കുരുമുളക് അരച്ച പന്നി റോസ്സ്റ്റും കൊണ്ട് അമ്മച്ചി ദൃതിയിൽ വന്നു. രണ്ടപ്പം കൂടെ എന്റെ പാത്രത്തിലിട്ട് അമ്മച്ചി പന്നിയിറച്ചി കഴിപ്പിച്ചു. തേങ്ങാ കഷ്ണം പോലെയുള്ള നെയ് കഷ്ണം അപ്പവും കൂട്ടിയങ്ങു അകത്താക്കിയപ്പോ ഞാൻ അമ്മച്ചിയെ വാനോളം പൊക്കി. എങ്ങനെയുണ്ടാക്കുന്നു ഇത്രേം നന്നായിട്ട്?

അവസാനം കഴിക്കണമെന്ന് ആഗ്രഹമുണ്ടെലും എന്റെ വയർ പൊട്ടുമെന്നായി. നിർത്താൻ പോയ എന്നെ അമ്മച്ചി കണ്ണുരുട്ടി പേടിപ്പിച്ചു. “ഒരടി തരും ഞാൻ. .ഇതൂടെ കഴിച്ചേ..നിനക്ക് ഉണ്ടാക്കിയതല്ലേ ”കാലിയായ പത്രത്തിലേക്ക് ഒരപ്പം കൂടെ വീണു.

“എന്റെ വയറിപ്പോ പൊട്ടിപ്പോവും…?”ദയനീയത എന്റെ വാക്കിലുണ്ടായിരുന്നു. എതിക്കാൻ പല വഴിയും നോക്കി. സമ്മതിച്ചില്ല. ഏട്ടത്തി ഞാൻ പെട്ടത് കണ്ടു കളിയാക്കി ചിരിച്ചപ്പോ അമ്മച്ചി ഏട്ടത്തിക്കും കൊടുത്തു രണ്ടപ്പം. കഴിച്ചിട്ട് എണീറ്റാൽ മതിയെന്ന താക്കീതും. തിന്നുന്ന കണ്ടാൽ അറിയാമായിരുന്നു ഏട്ടത്തിയുടെ വയറും പൊട്ടനായീന്ന് .എത്ര നാളുകൾക്ക് ശേഷം ആവും സ്വന്തം അമ്മയുടെ കയിൽ നിന്ന് ഏട്ടത്തി ഫുഡ്‌ കഴിച് കാണുക.

എങ്ങനെയൊക്കെയോ ഞാൻ പകുതിയപ്പം പന്നിയും കോഴിയും കൂട്ടി തീർത്തു .ബാക്കി തിന്നാൻ വയ്യ. കഴിക്കെടാ ന്നു വീണ്ടും പറഞ്ഞ അമ്മച്ചിക്ക് അവസാനം ഞാൻ വാരി വായിലിട്ട് കൊടുക്കാൻ നോക്കി.