.
ഞങ്ങൾ ബാറിൽ കയറി രണ്ട് ബിയർ വീതം ഓർഡർ ചെയ്തു. തണുത്ത ബിയർ തൊണ്ടയിലൂടെ ഇറങ്ങിയപ്പോൾ മനസ്സിനും ശരീരത്തിനും ഒരു ചെറിയ തരിപ്പ് അനുഭവപ്പെട്ടു. ഒരുതരം മരവിപ്പ് എന്നെ കീഴടക്കി. ഇനി എന്ത് സംഭവിച്ചാലും നേരിടാനുള്ള ഒരു കരുത്ത് എന്നിലേക്ക് അരിച്ചുകയറി.
ബിയർ കുടിച്ചു കഴിഞ്ഞ് ഞങ്ങൾ കാറിൽ ഡാൻസ് സ്റ്റുഡിയോ ലക്ഷ്യമാക്കി നീങ്ങി. സ്റ്റുഡിയോയുടെ മുന്നിലെ പാർക്കിംഗ് ഏരിയയിൽ എത്തിയപ്പോൾ വേറെ ഒരു നാല് പേർ അവിടെ നിൽക്കുന്നത് കണ്ടു. ടോണിയെ കണ്ടതും അവർ വന്ന് അവനെ കൈ കൊടുത്തു കെട്ടിപ്പിടിച്ചു.
**ഹരി:** “ഇതാരാ ടോണി?”
**ടോണി:** “നമ്മുടെ ഭാഗത്തു നിന്നും നാലു പേർ വേണ്ടേ ഹരി? അവിടെ ഒരു പ്രശ്നം ഉണ്ടായാൽ ഇടപെടാൻ ആളുകൾ വേണം. ഇത് ജോസ്, സ്റ്റീഫൻ, പീറ്റർ, അയ്യപ്പൻ. എന്റെ അടുത്ത കൂട്ടുകാരാണ്. അത്യാവശ്യം നന്നായി ഇടിക്കാനും കഴിവുള്ളവരാണ്.”
ഞാൻ ഒന്നും പറയാൻ നിന്നില്ല. ഇന്ന് എനിക്ക് പ്രതികാരം തീർക്കണം. അതിന് എന്ത് സാഹസത്തിനും ഞാൻ തയ്യാറാണ്. ആറു പേരും ഒരു സംഘമായി അച്ചുവിന്റെ ഡാൻസ് സ്റ്റുഡിയോയുടെ പ്രവേശന കവാടം ലക്ഷ്യമാക്കി നടന്നു. അകത്ത് സംഗീതം മുഴങ്ങുന്നുണ്ട്. ചിരിയും കളികളും തുടങ്ങിക്കഴിഞ്ഞു.
എന്റെ ഓരോ ചുവടുവെയ്പ്പിലും അർച്ചനയ്ക്കുള്ള ശിക്ഷ കാത്തിരിക്കുന്നുണ്ടായിരുന്നു.
സ്റ്റുഡിയോയുടെ വലിയ ഗ്ലാസ് വാതിലിന് മുന്നിൽ എത്തിയപ്പോൾ ഞാൻ ഒരു നിമിഷം ഒന്ന് നിന്നു. എന്റെ ഭാര്യയുടെ മറ്റൊരു ലോകത്തേക്ക് ഞാൻ കയറാൻ പോകുകയാണ്.
