എങ്കിലും നാളെ നടക്കാൻ പോകുന്ന ആ ‘പിറന്നാൾ സമ്മാനം’ എന്റെ ചിന്തകളിൽ ഒരു തീക്കനലായി ബാക്കി നിന്നു..
പിറ്റേദിവസം രാവിലെ ടോണിയുടെ വിളി കേട്ടാണ് ഞാൻ കണ്ണ് തുറന്നത്. തലയ്ക്കകത്ത് ഒരു ഭാരം അനുഭവപ്പെട്ടു. ഇന്ന് ഏപ്രിൽ 21. അച്ചുവിന്റെ പിറന്നാൾ. ലോകത്തിന് മുന്നിൽ അവൾ ആഘോഷിക്കപ്പെടുന്ന ദിവസം, പക്ഷേ എനിക്ക് അവളിലെ കാപട്യത്തെ തച്ചുടയ്ക്കേണ്ട ദിവസം.
രാവിലെ 11 മണിക്ക് അവളുടെ ഡാൻസ് സ്റ്റുഡിയോയിൽ വെച്ചാണ് പാർട്ടി. വളരെ ചുരുക്കം പേരെ മാത്രമേ ക്ഷണിച്ചിട്ടുള്ളൂ എങ്കിലും, പരിപാടി സോഷ്യൽ മീഡിയയിൽ ലൈവ് ആയിരിക്കുമെന്ന് അവളുടെ ഇൻസ്റ്റഗ്രാം സ്റ്റോറിയിൽ കണ്ടിരുന്നു.
തന്നെ സ്നേഹിക്കുന്ന ഒരു ഭർത്താവും സുഹൃത്തുക്കളും ഉള്ള ഒരു ഭാഗ്യവതിയായി അവൾ ഇന്ന് ലോകത്തിന് മുന്നിൽ അഭിനയിക്കും.
ഞാൻ എഴുന്നേറ്റ് പോയി കുളിച്ചു ഫ്രഷ് ആയി. അലമാരയിൽ നിന്നും എടുത്ത ഒരു ബ്ലാക്ക് കോട്ടും പാന്റും ധരിച്ച് കണ്ണാടിക്ക് മുന്നിൽ നിന്നു.
10 മണിക്ക് തന്നെ ഞാനും ടോണിയും ഫ്ലാറ്റിൽ നിന്നും ഇറങ്ങി. വണ്ടി ചെന്ന് നിന്നത് ഒരു ബാറിന് മുന്നിലാണ്.
**ഹരി:** “ഇതെന്താ ടോണി ഇവിടെ? നമ്മൾ വൈകില്ലേ?”
**ടോണി:** “വൈകില്ലടാ… ഇന്ന് നിനക്ക് വല്ലാത്തൊരു മാനസിക സമ്മർദ്ദം ഉണ്ടാകും. മനസ്സിന് ധൈര്യം നിലനിർത്താൻ ഇവൻ കുറച്ചു അകത്ത് ഉള്ളത് നല്ലതാണ്.”
അവൻ എന്റെ നെഞ്ചിൽ തട്ടി പറഞ്ഞു
