എല്ലാം നീ തന്നെ വച്ചോ…
ഒരേയൊരു അപേക്ഷ എനിക്കാ വിവാഹ മോചനം വേഗം വാങ്ങി തരണം..
നിനക്ക് മാത്രമല്ല..
എനിക്കും ജീവിക്കണം…”
ഹരി അത്രയും പറഞ്ഞ ശേഷം തന്റെ ബാഗ് പാക്ക് ചെയ്യുന്നത് തുടർന്നു…അച്ചു ഒന്നും മിണ്ടാതെ ആ ബെഡിൽ ശില പോലെ ഇരുന്നു…
സമയം കടന്നുപോയി…
കൊണ്ടുപോകാനുള്ള ലഗേജ് എല്ലാം പാക്ക് ചെയ്ത ഹരി ആ ഫ്ലാറ്റിൽ ഘടിപ്പിച്ച ക്യാമറ മൈക്ക് എല്ലാം എടുത്ത് കുപ്പതോട്ടിയിൽ കളഞ്ഞു…
മൊബൈലിൽ ടോണിയുടെ മെസ്സേജ് വന്ന് കിടക്കുന്നത് ഹരി ശ്രദ്ധിച്ചു…അവൻ താഴെ ഉണ്ടെന്ന മെസ്സേജ് ആയിരുന്നു അത്…
അവൻ ലഗേജ് എടുത്ത് പുറത്ത് പോവാൻ ഒരുങ്ങിയതും പെട്ടെന്ന് ഹരിയുടെ കയ്യിലൊരു പിടി വീണു..
അച്ചുവായിയുന്നു അത്.. അവൻ അവളെ നോക്കി. ഒന്ന് മുഖത്ത് നോക്കാൻ പോലും ആവാത്ത വിധം അത് താഴ്ന്നാണ് നിന്നത്.
“എനിക്കൊരു മിനിറ്റ് തരുമോ ഹരി…
ഒന്ന് സംസാരിക്കാൻ…. പ്ലീസ്…”
അച്ചുവിന്റെ സ്വരം ഏറെ ദുർബലമായിരുന്നു.
ഹരി ലഗേജ്ലേ പിടി വിട്ട് ഒന്ന് മൂളി. അത് അവൾക്കായുള്ള സമ്മതമായിരുന്നു.
“ചെയ്ത ഒന്നിനും ഞായം പറയാൻ ഇല്ല എനിക്ക്.
എല്ലാം തെറ്റ് തന്നെയാ ഹരി.
പക്ഷെ അതിലൊരു ശരിയുണ്ട്…
നമ്മുടെ സ്നേഹം…
എന്റെ സ്നേഹം.
ശരീരം മാത്രമാണ് ഞാൻ അവർക്ക് കൊടുത്തത്. മനസ്സ് ഇന്നും നിന്റേത് തന്നെയാ ഹരി..
കാരണം ഒരു കുറവ് പറഞ്ഞു കളയാൻ നീ എനിക്ക് അത്രയും വില കുറഞ്ഞവൻ അല്ല.
ആ കുറവിനെ നികത്തി നിന്റെ ഭാര്യയായി ജീവിക്കണം എന്നായിരുന്നു എന്റെ ആഗ്രഹം. അതിനായി തിരഞ്ഞെടുത്ത വഴി ഇത്രത്തോളം എത്തുമെന്ന് ഞാൻ കരുതിയില്ലടാ…”
