“സീരിയസ് ആണെന്ന് സാറിന് അറിയില്ലേ?”
അവൾ വളരെ പതുക്കെ ചോദിച്ചു.
മനു അവളെ നോക്കി നിന്നു.
മനുവിന്റെ ഫ്രീയായുള്ള ആ മറുപടികൾ അവൾക്ക് വല്ലാത്ത ധൈര്യം നൽകി
അവൾ ചോദിക്കാൻ ഉദ്ദേശിച്ചു വന്ന ആ കാര്യം അവൾ ചോദിക്കാൻ തന്നെ തീരുമാനിച്ചു
ലക്ഷ്മി ഒരു നിമിഷം അവന്റെ കണ്ണുകളിലേക്ക് നോക്കി. പിന്നെ വളരെ കാഷ്വൽ ആയി ചോദിക്കുന്നതുപോലെ
“സാർ… ബ്ലോക്ക് മാറ്റിയോ?”
മനു കൺപോള ഒന്ന് ചുരുട്ടി.
“എന്ത് ബ്ലോക്ക്?”
“വാട്ട്സ്ആപ്പിൽ…”
അവന് ആദ്യം കാര്യം മനസ്സിലായില്ല.
പക്ഷേ അടുത്ത നിമിഷം, ഇന്നലെ കണ്ട സ്റ്റാറ്റസ് മനസ്സിലേക്ക് വന്നു.
അവൾ അതിനെപ്പറ്റിയാണ് ചോദിക്കുന്നത്.
“ഞാൻ ബ്ലോക്ക് ചെയ്തിട്ടില്ലല്ലോ…”
ലക്ഷ്മി അവനെ നോക്കി നിന്നു.
അവൾക്ക് ചോദിക്കണമെന്നുണ്ടായിരുന്നു —
പിന്നെ ഇത്രയും നാൾ എന്റെ സ്റ്റാറ്റസ് ഒന്നും കണ്ടില്ലല്ലോ? ഇന്നലെ മാത്രം എങ്ങനെ കണ്ടു?
പക്ഷേ ആ ചോദ്യം അവൾ ചോദിച്ചില്ല. അവൾക്കും അറിയില്ല എന്തിനാണ് മടിച്ചത് എന്ന്.
“എന്താ അങ്ങനെ ചോദിച്ചത്?”
മനു ചോദിച്ചു.
ലക്ഷ്മി ഒരു ചെറിയ ചിരി ചിരിച്ചു.
“ഒന്നുമില്ല സർ… ചുമ്മാ ചോദിച്ചതാ.”
“ചുമ്മാ ചോദിക്കുന്ന ചോദ്യമല്ല അത്.”
അവൾ ഒന്ന് നിശ്ശബ്ദമായി.
പിന്നെ അവന്റെ മുഖത്തേക്ക് നേരെ നോക്കി.
“എന്റെ സ്റ്റാറ്റസ് ഒന്നും ഇതുവരെ സാർ കണ്ടിട്ടില്ലല്ലോ… അതുകൊണ്ട്.”
മനു ഒരു നിമിഷം മറുപടി പറയാതെ നിന്നു.
“ഇന്നലെയാണ് ഞാൻ ലക്ഷ്മിയുടെ നമ്പർ സേവ് ചെയ്തത്,”
അവൻ ശാന്തമായി പറഞ്ഞു.
