എന്റെ വാക്കുകൾ അവസാനിക്കുമ്പോൾ ആ മുഖത്ത് എന്തെന്ന്. മനസ്സിലാവാത്ത ഒരു ഭാവം..
അവളുടെ. ശ്വാസം വേഗത്തിൽ ആവുന്നത് ഞാനെന്റെ കണ്ണുകൊണ്ട് കണ്ടു.
ഇടി മിന്നൽ വെട്ടുമ്പോൾ ജനലിലൂടെ അകത്തേക്ക് അരിച്ചു കയറുന്ന വെളിച്ചം അവളുടെ മുഖത്ത് മിന്നി മറയുന്നു…ഞാനൊന്ന് നെടുവീർപ്പിട്ടു…
“ വേണി…
നമ്മുടെ ഹൃദയത്തിലേ മുറിവുകൾക്ക് മരുന്നാവാൻ അല്ല..
ഒരു പുതിയ ഹൃദയമായി ഒന്നിച്ചൂടെ നമുക്ക്…
വന്നൂടെ എന്റെ പെണ്ണായിട്ട്…”
എന്റെ ശബ്ദം ഇടറി…
. ആ നിമിഷം, ആ മുറിയിലെ നിശബ്ദതയിൽ ഞങ്ങളുടെ ശ്വാസഗതികൾ ഒന്നായി മാറുന്നത് ഞാൻ അറിഞ്ഞു. മഴയുടെ ശബ്ദം പുറത്ത് കനത്തു കൊണ്ടിരുന്നു. ജനാലയിലൂടെ അരിച്ചെത്തിയ തണുത്ത കാറ്റ് ഞങ്ങളെ കൂടുതൽ അടുപ്പിച്ചു.
വേണി എന്റെ മുഖത്തേക്ക് തന്നെ നോക്കി നിന്നു
. അവളുടെ ആ ഉണ്ടക്കണ്ണുകളിൽ പ്രണയവും ആകുലതയും കലർന്ന ഒരു ഭാവമായിരുന്നു.
ചന്ദനത്തിന്റെയും വെളിച്ചെണ്ണയുടെയും ആ ഗന്ധം എന്റെ ബോധത്തെ പതുക്കെ മറയ്ക്കാൻ തുടങ്ങി.
“എ.. എന്നെയാണോ അച്ചു ചേച്ചിയെ ആണോ ഏട്ടന് കൂടുതൽ ഇഷ്ട്ടം…”
അത്ര സമയം മൗനമായി ഇരുന്ന അവൾ തീ. പോലെ അങ്ങനൊരു ചോദ്യം ചോദിച്ചപ്പോ ഞാനൊന്ന് വിറച്ചു…
“ഏഹ്…? “
“എന്നെയാണോ അച്ചു ചേച്ചിയെ ആണോ ഏട്ടന് കൂടുതൽ ഇഷ്ട്ടം എന്ന്……? “
അവൾ ചോദ്യം ആവർത്തിച്ചു..
‘നിന്നെ….. “
