“പിന്നെ എന്തൊക്കെ ഉണ്ട് ശ്യാമേ , സുഖം അല്ലെ തനിക്ക് ? ഇപ്പൊ എന്താ പരിപാടി ? പഠിക്കാൻ പോണില്ലേ ?”
അവൻ വന്നിരുന്നതും മഞ്ജുസിന്റെ ചോദ്യ ശരങ്ങൾ ഒന്നിന് പിറകെ ഒന്നായെത്തി .
“കുഴപ്പമില്ല മിസ്സെ..അങ്ങനെ പോണൂ, പഠിപ്പൊക്കെ നിർത്തി . ഇവൻ ഇല്ലാത്തോണ്ട് ഒരു സുഖം ഇല്ല മിസ്സെ ”
ശ്യാം ചെറിയ നിരാശയോടെ പറഞ്ഞു നിർത്തി .
“മ്മ്…പക്ഷെ അങ്ങനൊക്കെ പറഞ്ഞാ എങ്ങനെയാടോ ? തനിക്കൊരു ജോബ് ഒക്കെ വേണ്ടേ ? എന്തേലുമൊക്കെ ചെയ്യ് . ”
മഞ്ജുസ് അവനെ മോട്ടിവേറ്റ് ചെയ്യാൻ തുടങ്ങി .
“ഓ പിന്നെ . അവന്റെ തന്തപ്പിടി മഞ്ജുസിന്റെ പോലെ ക്യാഷ് ടീം ആണ് . പിന്നെയിപ്പോ അവൻ നയിച്ച് തിന്നണ്ട കാര്യം ഒന്നും ഇല്ല ”
ഞാൻ ഇടയ്ക്കു കയറി ശ്യാമിനെ സപ്പോർട്ട് ചെയ്തു .
“ആഹ് ..നല്ല ബെസ്റ്റ് കമ്പനി .. . ഈ പൊട്ടൻ പറയുന്ന കേട്ട് നടക്കേണ്ട ശ്യാമേ . മര്യാദക്ക് നീ വല്ല ജോലിക്കും ശ്രമിക്ക് ”
മഞ്ജുസ് എന്നെ നോക്കി കണ്ണുരുട്ടികൊണ്ട് ശ്യാമിനോടായി പറഞ്ഞു .
“ആഹ്..നോക്കണം ”
ശ്യാം ഞങ്ങളുടെ മുഖ ഭാവം ശ്രദ്ധിച്ചെന്നോണം ചിരിയോടെ പറഞ്ഞു .
“മഞ്ജുസേ ഞാൻ ഒരു കാര്യം പറഞ്ഞോട്ടേടി…”
ശ്യാമിനെ കോയമ്പത്തൂരിലേക്ക് എത്തിക്കാനുള്ള കാര്യം എടുത്തിടാമെന്നു തോന്നിയപ്പോൾ ഞാൻ അവളെ തോണ്ടിക്കൊണ്ട് ചോദിച്ചു . പക്ഷെ പഴയ മിസ്സിനെ ഞാൻ എടി , പോടീ എന്നൊക്കെ വിളിക്കുന്നത് കണ്ടു ശ്യാം ചെറിയ കൗതുകത്തോടെ വീക്ഷിക്കുന്നുണ്ട് .
“മ്മ്…എന്താടാ ?”
അവളെന്നെ ചോദ്യ ഭാവത്തിൽ നോക്കി .
“ഞാൻ ഒരു ഐഡിയ പറയട്ടെ . ശ്യാമിന് നമ്മുടെ ഓഫീസില് ഒരു ജോലി കൊടുക്കാൻ നിനക്ക് പറ്റില്ലേ ? അതാകുമ്പോ എനിക്കും ഒരു കമ്പനി ആവും .”
ഞാൻ പയ്യെ ഉള്ളിലെ ആഗ്രഹം പറഞ്ഞതും മഞ്ജുസ് ഒന്ന് തലയാട്ടി ചിരിച്ചു .
“മ്മ്…അതൊക്കെ പറ്റും . പക്ഷെ…”
അവളൊന്നു പറഞ്ഞു നിർത്തി .
“ഒരു പക്ഷെയും ഇല്ല …ഞാൻ ആദ്യായിട്ട് നിന്നോട് ഒരു കാര്യം പറയണതല്ലേ . ഒന്ന് സാധിച്ചു താടോ ”
ഞാൻ അവളുടെ കയ്യിൽ തോണ്ടിക്കൊണ്ട് ചിണുങ്ങി . പിന്നെ ശ്യാമിനെ നോക്കി കണ്ണിറുക്കി .
“നീ ആദ്യം ഒന്ന് ചുമ്മാ ഇരി ..ഞാൻ ഒന്നാലോചിക്കട്ടെ …”
മഞ്ജുസ് എന്റെ തിടുക്കം കണ്ടു ദേഷ്യപ്പെട്ടു . പിന്നെ ശ്യാമിനെ നോക്കി .
“തനിക്ക് കുടിക്കാൻ എന്തേലും എടുക്കട്ടേ ശ്യാമേ ?”
Broo, ithu nigalda bio ano?, itrak valichu neettunondm pinne nalla realistic ayathondum choichathane?!