മഞ്ജു പെട്ടെന്ന് അവന്റെ കാര്യം ഓർത്തു ആതിഥ്യ മര്യാദയോടെ ചോദിച്ചു .
“ഏയ് ഒന്നും വേണ്ട മിസ്സെ ..ഇവനെ ഒന്ന് വിട്ടു തന്നാൽ മതി..ഞങ്ങൾക്ക് കുറച്ചു സ്ഥലത്തൊക്കെ പോവാൻ ഉണ്ട് ..”
ശ്യാം ആ ഓഫർ നിരസിച്ചുകൊണ്ട് ആവേശത്തോടെ പറഞ്ഞു .
“മ്മ്…അതൊക്കെ പൊക്കോ . പക്ഷെ ആദ്യം നീ എന്തേലും കുടിച്ചിട്ട് പോയാൽ മതി .”
മഞ്ജുസ് ഗൗരവത്തിൽ പറഞ്ഞുകൊണ്ട് അകത്തേക്ക് കയറി . അതോടെ ഞാനും ശ്യാമും ഉമ്മറത്തൊറ്റക്കായി .
“നീ എന്തിനാ കോപ്പേ , എന്നെ ഇങ്ങോട്ടെഴുന്നള്ളിച്ചത് . നിനക്ക് അങ്ങോട്ട് വന്നാൽ പോരായിരുന്നോ ”
ശ്യാം മഞ്ജു പോയതും എന്റെ നേരെ ചാടിക്കടിച്ചു .
“ഹാഹ് .അതിനു നീയെന്തിനാ കോപ്പേ ചൂടാവുന്നെ . അവൾക്ക് കുഴപ്പം ഒന്നുമില്ല ”
ഞാൻ ചെറിയ ചിരിയോടെ പറഞ്ഞു .
“മ്മ് ..എന്നാലും എനിക്ക് മിസ്സിനെ കാണുമ്പോ എന്തോ പോലെയാ . ഇത് ശരിക്കു വല്യ ചടപ്പാ . പഠിപ്പിച്ച മിസ് തന്നെ കൂട്ടുകാരന്റെ വൈഫ് ആയിട്ടു ..”
ശ്യാം ഒന്ന് പറഞ്ഞു നിർത്തി .
“ആഹ്…അതൊക്കെ കള ശ്യാമേ . ഇപ്പൊ എന്ത് മിസ് . ആ പോയ സാധനം തനി പെണ്ണാ ”
ഞാൻ ശബ്ദം താഴ്ത്തി പയ്യെ പറഞ്ഞു .
“മ്മ്..എന്നാലും നീ അതിനെ എടി , പോടീ എന്നൊക്കെ ഓപ്പൺ ആയിട്ട് വിളിക്കുന്നത് കേക്കുമ്പോ എന്തോപോലെ ഉണ്ട് മോനെ . ”
ശ്യാം ഒരു കള്ളച്ചിരിയോടെ പറഞ്ഞു .
“ഒന്ന് പോടെ ..”
ഞാൻ പയ്യെ ചിരിച്ചു ആ വാദം തള്ളി .
അപ്പോഴേക്കും ശ്യാമിനുള്ള കലക്കിയ വെള്ളവുമായി മഞ്ജു എത്തിയിരുന്നു . അവളതു ശ്യാമിന് നേരെ നീട്ടി .അവൻ ചെറിയ പുഞ്ചിരിയോടെ അത് വാങ്ങിച്ചതും മഞ്ജുസ് തിരികെ എന്റെ അടുത്തേക്ക് വന്നിരുന്നു .
“നിങ്ങൾക്കില്ലേ ?”
ഒരാൾക്ക് മാത്രം മഞ്ജു വെള്ളം കൊണ്ടുവന്നത് കണ്ടു ശ്യാം സംശയത്തോടെ ചോദിച്ചു .
“വേണ്ടടാ ..ഞങ്ങളിപ്പോ ഊണ് കഴിച്ചേ ഉള്ളൂ ..നീ കുടിക്ക് . കുറെ വെയിലും കൊണ്ട് വന്നതല്ലേ ”
മഞ്ജു ചെറിയ പുഞ്ചിരിയോടെ പറഞ്ഞു .
“ആഹ്…അത് ശരിയാ..”
ശ്യാം പയ്യെ പറഞ്ഞു തലയാട്ടി . പിന്നെ ഒറ്റവലിക്ക് ആ തണുപ്പിച്ച വെള്ളം കുടിച്ചു തീർത്തു .പിന്നെ ഗ്ലാസ് മഞ്ജുവിന് തന്നെ തിരികെ കൊടുത്തു .
“ഇനി വേണോ ?”
മഞ്ജുസ് വീണ്ടും പയ്യെ ചോദിച്ചു .
“ഏയ് ..വേണ്ട മിസ്സെ “
Broo, ithu nigalda bio ano?, itrak valichu neettunondm pinne nalla realistic ayathondum choichathane?!