തറവാട്ടിലെ നിഴലും വെളിച്ചവും

Tharavattile Nizhalum velichavum | Author : Aravind

മൺസൂൺ മഴയിൽ നനഞ്ഞ് കുതിർന്ന, കായലും, നെൽപാടങ്ങളും , തെങ്ങിൻ തോപ്പുകളും നിറഞ്ഞ പ്രകൃതി മനോഹരമായ ഒരു ഗ്രാമത്തിലെ നായർ തറവാട്. നാലുകെട്ടും നടുമുറ്റവും ഒക്കെയുള്ള ഈ തറവാട് വിശാലമായ പറമ്പിന് നടുവിലാണ് സ്ഥിതി ചെയ്യുന്നത്.

നമ്മുടെ കഥാനായകൻ അരുൺ താമസിക്കുന്നത് അവിടെയാണ്. 18 വയസുകാരനായ അരുൺ പൊതുവേ ഒരു നാണം കുണുങ്ങിയും സ്വപ്ന ജീവിയും പുസ്തക വായന ഇഷ്ടപ്പെടുന്ന ആളുമാണ്.

സ്ത്രീ മേധാവിത്വമുള്ള തറവാട്ടിൽ വളർന്നത് മൂലം നിരവധി സ്ത്രീകളുടെ സാമീപ്യം അരുണിൻ്റെ ചിന്തകളെ സ്വാധീനിച്ചിരുന്നു.

ലക്ഷ്മി അമ്മ അഥവാ അരുണിൻ്റെ അമ്മ , കുടുംബം നോക്കി നടത്തുന്ന വളരെ കരുത്തുള്ള എന്നാൽ നല്ല മനസിന് ഉടമയായ സ്ത്രീ. അരുൺ ഒരു നാണം കുണുങ്ങി ആയി ഒതുങ്ങുന്നതിൽ അവർക്ക് വളരെ വിഷമമുണ്ട്.

പാരമ്പര്യമായി സ്ത്രീകൾ ആയിരുന്നു തറവാടിൻ്റെ അവകാശികൾ. അരുണിൻ്റെ അമ്മ ലക്ഷ്മിയമ്മയ്ക്ക് അവരുടെ അമ്മയിൽ നിന്ന് കൈമാറി കിട്ടിയതായിരുന്നു തറവാട്. ഒരു ദിവസം അത് അരുണിൻ്റെ മൂത്ത സഹോദരിക്ക് കൈമാറി ലഭിക്കും. കുടുംബത്തിലെ ഏക ആൺ തരി ആയിരുന്നു അരുൺ. എല്ലാവരാലും സ്നേഹിക്കപ്പെട്ടിരുന്നെങ്കിലും അവൻ ചവിട്ടി നടക്കുന്ന മണ്ണ് സ്ത്രീകളുടെ അധീനതയിൽ ഉള്ളതാണെന്ന ബോധ്യവും അവൻ്റെ മനസിൽ ഉണ്ടായിരുന്നു.

പിച്ച വെച്ച് നടക്കാൻ തുടങ്ങിയ കാലം മുതൽ അരുണിൻ്റെ ലോകം പെണ്ണുങ്ങളുടെ താളത്തിൽ ആയിരുന്നു. ലക്ഷ്മി അമ്മയുടെ വള കിലുക്കം കേട്ടാണ് അരുൺ ഉണർന്നിരുന്നത്. ലക്ഷ്മിയമ്മ പൂജാമുറിയിൽ നിലവിളക്ക് കൊളുത്തി നാമ ജപം തുടങ്ങുമ്പോൾ അടുക്കളയിലും മഹിളകളുടെ കലപില തുടങ്ങിയിരിക്കും. വേലക്കാരി അമ്മിണി മറ്റ് ചെറുപ്പകാരികളായ വേലക്കാരികളോട് ജോലി ചെയ്യുന്നതിന് ഉത്തരവ് ഇടുന്നത് കേൾക്കാം. 30 വയസ്സിന് മുകളിൽ പ്രായമുള്ള അമ്മിണി വർഷങ്ങളായി തറവാട്ടിലെ വേലക്കാരിയാണ്. ഏറ്റവും വിശ്വസ്ത വേലക്കാരിയും മറ്റുള്ള വേലക്കാരികളെ മേൽനോട്ടം വഹിക്കുന്നതും അമ്മിണിയാണ്.